Quba rayonunun təhsil müəssisələrində 9 Noyabr - Azərbaycan Respublikasının Dövlət Bayrağı Günü münasibəti ilə müxtəlif formatda silsilə tədbirlər keçirilib.

Tədbirlərin  keçirilməsində əsas məqsəd milli atributlarımızın təbliği, şagirdlər arasında vətənpərvərlik hissinin və milli-mənəvi dəyərlərin aşılanmasıdır.

     Tədbirlərdə rayon Təhsil Şöbəsinin metodistləri M.Rüstəmova, G.Atakişiyeva, G.Niftəliyeva, M.Baxışova, R.Dünyamalıyeva, V.İmaməliyev, M.Məmmədov  ziyalılar, şagird və müəllimlər iştirak edib.

Tədbirlərdə çıxış edənlər  Dövlət Bayrağının Azərbaycan dövlətinin müqəddəs rəmzlərindən biri və bu il 100-cü ildönümü qeyd edilən Azərbaycan Xalq Cümhuriyyətinin yadigarı olduğunu vurğulayıblar.

 Hər il ənənəvi olaraq keçirilən “Bayraq günü”nün gənclərin milli dəyərlərə ehtiram, milli ideallara bağlılıq ruhunda tərbiyə olunması baxımından əhəmiyyəti diqqətə çatdırılıb.

Tədbirlərdə şagirdlər bayraq, vətənpərvərlik mövzusunda şeirlər söyləyib, mahnılar ifa edib və ədəbi-bədii kompozisiyalar nümayiş etdiriblər.