Azərbaycan Respublikası Gənclər və İdman Nazirliyi, Azərbaycan Respublikası Təhsil Nazirliyi və Məktəb İdmanları Federasiyasının birgə təsdiqlədiyi əsasnaməyə uyğun olaraq ümumtəhsil məktəblərində bədən tərbiyəsi və idmanın şagirdlər arasında kütləviləşdirilməsi, məktəblərdə sağlam və aktiv həyat tərzinin təşviqi, ümumtəhsil müəssisələrində fiziki tərbiyə fənninin tədrisinin təkmilləşdirilməsi; hədəf idman növlərində kütləviliyin artırılması olimpiya idman komplekslərindən və idman bazalarından səmərəli istifadə edilməsi, ümumtəhsil məktəblərinin idman sahəsində sinifdənxaric və məktəbdənkənar fəaliyyətinin qiymətləndirilməsi, qalib məktəblilərin beynəlxalq yarışlarda iştirakının təmin edilməsi məqsədilə 2018-2019-cu tədris ili ərzində “Məktəblərarası respublika çempionatı”nın keçirilməsi nəzərdə tutulub.

Bu məqsədlə noyabrın 5-də Quba Olimpiya İdman Kompleksində Quba rayon Gənclər və İdman İdarəsi və Quba rayon Təhsil Şöbəsinin təşkilatçılığı ilə rayon təhsil müəssisələrinin   5,7- ci sinif şagirdlərinin iştirakı ilə atletikanın yaxın məsafəyə qaçış növü üzrə ( 100, 200, 400 metr) rayon birinciliyi keçirilib.

             Yarışda Qırmızı qəsəbə 1 nömrəli tam orta məktəbini təmsil edən 7-ci sinif şagirdi Mirzəməmmədova Fatimə Şahmir qızı əvvəl 200 metrlik məsafəni uğurla qət edərək birinci yerə, 400 m-lik məsafəni də uğurla qət edərək 2-ci yerə layiq görülüb.

               Sonda şagirdlər rayon Təhsil Şöbəsi tərəfindən "Diplom"larla mükafatlandırılıb.