Fevralın 22-də Quba şəhər Mədəniyyət Mərkəzində Quba rayon Uşaq-Gənclər İnkişaf Mərkəzinin təşkilatçılığı ilə "Uşaq və Gənclərin Ənənəvi Yaradıcıq Gecəsi" adlı hesabat konserti keçirilib.

            Tədbirdə Uşaq Gənclər Mərkəzinin bacarıqlı əllər, bitkilər aləmi, toxuma və tikmə, meyvəçilik və tərəvəzçilik, sadə texniki modelləşmə, tərcüməçilik, rəssamlıq dərnəkləri üzrə bölmələr yaradılmış, dərnək üzvlərinin hazırladığı işlər nümayiş olunub.

Mərkəzin hesabat konsertində Bakı şəhəri 3 saylı Uşaq-Gənclər İnkişaf Mərkəzi, Novxanı Sənətkarlar Klubu, Sumqayıt şəhəri 1 saylı Uşaq-Gənclər İnkişaf Mərkəzi ilə yanaşı Gürcüstandan olan rəqs kollektivləri maraqlı rəqs nömrələri ilə iştirak ediblər.

Sonda tədbir iştirakçıları Quba rayon Uşaq-Gənclər İnkişaf Mərkəzinin hazırladığı “Fəxri Fərman”lar ilə təltif olunub..