Azərbaycan Respublikası Təhsil Nazirinin 26.07.2021-ci il tarixli F-372 nömrəli  əmri ilə təsdiq olunmuş "Aşıq Ələsgərin 200 illik yubileyinin qeyd edilməsi ilə bağlı tədbirlər planı" nı çərçivəsində

Quba Rayon Təhsil Şöbəsinin tabeliyindəki  ümumtəhsil müəssisələrində  Aşıq Ələsgər yaradıcılığına həsr edilmiş bir sıra tədbirlər təşkil olunmuşdur.

Azərbaycan aşıq sənətinin görkəmli nümayəndəsi, qüdrətli söz ustadı Aşıq Ələsgərin  200 illik yubileyinə həsr edilmiş tədbirlərdə  müəllimlər şairin yaradıcılıqından  geniş şəkildə bəhs ediblər.  Şagirdlər də öz növbəsində söz ustadının yaradıcılığından şeirlər səsləndiriblər.

Qeyd edək ki, aşıq poeziyasını zirvələrə yüksəltmiş böyük sənətkarın yubileyinin dövlət səviyyəsində qeyd olunması məqsədilə Prezident İlham Əliyev 18 fevral 2021-ci ildə sərəncam imzalayıb. Sərəncamda Mədəniyyət Nazirliyinə Azərbaycan Milli Elmlər Akademiyası və Təhsil Nazirliyi ilə birlikdə, Azərbaycan Aşıqlar Birliyinin təkliflərini nəzərə almaqla Aşıq Ələsgərin 200 illik yubileyinə həsr olunmuş tədbirlər planını hazırlayıb həyata keçirmək tapşırılıb.