Elm və təhsil naziri Emin Əmrullayevin əmri ilə region məktəblərinə yeni təyin olunan direktorlar məktəb kollektivlərinə təqdim olunublar.

Quba-Xaçmaz Regional Təhsil İdarəsinin rəsmiləri direktorları kollektivə təqdim edərək bundan sonrakı birgə fəaliyyətlərində uğurlar arzulayıblar.

Direktorlar isə öz növbələrində elm və təhsil naziri tərəfindən göstərilən yüksək etimada görə təşəkkürlərini bildirib, təhsil sahəsində qarşıya qoyulan hədəflərin layiqincə yerinə yetirilməsi və rəhbərlik edəcəkləri məktəbdə hər bir şagidin keyfiyyətli təhsil alması üçün əllərindən gələni edəcəklərini bildiriblər.

Müvafiq əmrə əsasən aşağıdakı şəxslər qeyd olunan məktəblərə direktor təyin ediliblər:

Fleydanlı Ayna Elbrus qızı - Quba şəhəri Hikmət Hüseynov adına 4 nömrəli humanitar fənləri təmayüllü məktəb-lisey;

Hacıyeva Günel Felyəddin qızı - Qusar şəhəri Elxan Güləliyev adına 2 nömrəli

tam orta məktəb;

Sadıxova Kəmalə Abdulhəlim qızı - Qusar şəhəri Tofiq İsmayılov adına 6 nömrəli

tam orta məktəb;

Şeydayeva Çinarə Kamran qızı - Şabran şəhəri Məmmədağa Nəzirov adına 4

nömrəli tam orta məktəb;

Ələkbərli Nigar İlham qızı - Xaçmaz rayonu Əzizəddin Tahirov adına Köhnə

Xaçmaz kənd tam orta məktəbi;

Qədirova Lalə Arif qızı - Xaçmaz şəhəri Mehman Babayev adına 1

nömrəli tam orta məktəb;

Xudarov Fariz Müzafəddin oğlu - Xaçmaz rayonu Mahmud Əbilov adına Yalama

kənd tam orta məktəbi.